Iillannonke qarri hakko iso lowo yanna keeshshiro hexxo mudhineemmo gede assankera dandaanno. Daawiti Moote Saaooli qarrisanni heeˈrannosikkitanna Yihowa qaale einosi garinni moote ikkannota afino. (1Sa 16:13) Ammanasi Daawiti cince Yihowa agadhanno gede kaaˈlitinosi.

Qarru amadannonke woyite, qarranke tirate noonke hayyo, egennonke woy hedate dandoonke horoonsiˈneemmoha ikkara dandaanno. (1Sa 21:12-14; La 1:4) Ikkirono mitu qarri Qullaawu Maxaafihu xintu seeri ledo sumuu yaanno garinni dandiinummore baala assinummorono baˈˈa hoogara dandaanno. Togoo woyite cincine Yihowa agadha hasiissannonke. Muli yanna giddo isi qarranke baala hunanno hattono “hindiiddo baala” illenkenni feyanno. (Aj 21:4) Qarrinkenni furgaˈneemmohu Yihowa kaaˈleennankeno ikko woy wolu garinni, mitto coye kayinni dihuluullammeemmo: Baalunku qarri baˈˈanno yanna no. Tenne afanke mito geeshsha sheshifachishshankera dandiitanno.

BEBBEEHANTINO ALAMERA MITTO IKKINO MANNA YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Yunayitidi Isteetisete wodiidoonni heeˈrannohu mitu Kiristaanira mayi qarri iillinonsa?

• Insa cincitannore ikkansanna baxille leellishshinohu hiittoonniiti?

• Insa, roore “woyyanno coye” illachishshinohu hiittoonniiti?—Fil 1:10