Dancha hedo coyiꞌra songo jawaachishshanno. (Ro 14:19) Togoo hedo coyidhannorino horo afidhanno. (La 15:23, 28) Konni daafira, gambooshshe haꞌnummo kiiro ajayi ajeenna mitte hedo coyiꞌrate woꞌnaala hasiissannonke. Hige anga kayinsummo kiiro xaꞌma hoongankera dandiinanni. Konni daafira, duucha hedo qixxaambe haꞌra lowonta danchate.

• haranchotenna xabbe leeltannote. Roore wote togoo hedo 30 sokondi woy hakkuyi woro ikkitanno yanna giddo coyiꞌra dandiinanni

• nabbambikkinni meessi yaattonni coyiꞌnanni

• umihu coyiꞌrino hedo hasiisikkinni lende coyiꞌra hoogate

• leeltannota, haranchonna dhaawate dawaro qoli

• qummeeshshu hasaambanni heeꞌnoonni hedo ledo xaadanno gara kuli

• tini hedo heeshshonkera kaaꞌlitannonkehu hiittoonniitiro xawisi

• konne roso manna kaaꞌlate horoonsiꞌra dandiinanni gara xawisi

• qara hedo luphi assanno woꞌnaalsha haransite coyiꞌri