Lowo qarri gambise dayino daafira sabbakate loosonke wiinamme loosa hasiissannonke. (La 24:11, 12, 20) Mannu Maganu Qaale nabbawanno gedenna webisayitenke afanno gede kaaꞌlate kaarde horoonsiꞌra dandiineemmo. Tini kaarde Qullaawa Maxaafa Xiinxalla Hasiissannohu Mayiraati? yitanno viidiyowanna Qullaawa Maxaafa xiinxalla hasidhannori wonshitanno formewa massitanno koodde afidhino. Mitu manni borronke adha hasiꞌrannokkiha ikkirono webisayitenke daaꞌꞌatate maahoyye yaanno. Tenne kaarde mannaho aate huluullantinoonte. Ikkollana, hasatto noonsakki mannira uyitinoonte.

Loosu basewa woy wole bayicho, togo yitine haranchunni mannu hasatto kakkayisa dandiitinanni: “Tenne kaarde oohe? Tini kaarde addi addi mashalaqqenna viidiyo amaddino webisayitewa massitannohe.” (Yoh 4:7) Tini kaarde geeshsha shiima ikkitino daafira, afidhini faro baalantera mannaho uyitinanni gede anga adhitine haꞌra dandiitinanni.