Jaala assiˈrattohu hiittoo akati noosi manchooti? Ammanaminohu, shaqqadunna danchu manchi ledo jaalooˈma hasiˈrattoha ikkara dandaanno. Yihowara tini baalanti akatta noosi. (Fu 34:6; Soq 14:17) Isi huuccatto assiˈratto woyite macciishshannohe. Yihowa kaaˈlo hasiissannohe yanna baalantera kaaˈlannohe. (Fa 18:19, 35) Isi soˈrokki maarannohe. (1Yo 1:9) Yihowa gedee jaali horo dino!

Yihowa jaala ikka dandaattohu hiittoonniiti? Isi daafira rosate Qaalesi nabbawi. Qarrakki baala isira hasaaphi. (Fa 62:8; 142:2) Yihowa baxannore lawishshaho Beettosi, Gashshootesinna albillittete abbara qaale einore naadattota leellishi. Mannaho Yihoware duduwi. (Mar 32:3) Yihowa ledo muli jaalooma kalaqiˈrittoro, isi hegerera Jaalakki ikkanno.—Fa 73:25, 26, 28.

WEDELLA, YIHOWA DANCHA IKKINOTA QAMASSINE LAˈE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Kiˈneneeto Yihowara sayissine aatenna cuuamate qixxaawa dandiitinannihu hiittoonniiti?

• Songote giddo noori wolootu roduuwi Yihowara soqqantinanni gede kaaˈlitaˈnera dandiitannohu hiittoonniiti?

• Soqqansho Yihowa ledo nooˈne jaalooma kaajjishshannohu hiittoonniiti?

• Yihowara soqqama dandiitinanniti addi addi soqqansho hiitteeti?

• Roore baxisannoˈnehu Yihowa akati hiikkonneeti?