Yihowa Farciˈraasinera baxxitino qoosso noonsa. Ninkeneeto Yihowara sayinse uyine cuuammoommo Kiristaana ikkinoommohura, Woˈmunkura Aliidi Mootichi Yihowa ledo noonke jaaloomi albinni roore lexxanni haˈranno gede assiˈra dandiineemmo. Yihowa Beettisi widoonni isiwa abbinonke. (Yoh 6:44) Isi huuccattonke macciishshanno.—Fa 34:15.

Maganu ledo noonkehu danchu jaaloomi baˈˈannokki gede assiˈra dandiineemmohu hiittoonniiti? Tenne assa dandiineemmoti mitte doogo, Israeele loossino cubbiwiinni xeertiˈrate. Insa Yihowa ledo qaalu gondooro eˈe jaalooma kalaqidhuhunni shiima yanna gedensaanni, culku siito seekkidhe kaphu magano magansidhino. (Fu 32:7, 8; 1Qo 10:7, 11, 14) Ninkeneeto togo yine xaˈma dandiineemmo: ‘Gara ikkinokkire asseemmo gede assanno fonqoli tuncu yaannoe woyite ma asseemmo? Assootiˈya Yihowa ledo nooe jaalooma naadeemmota leellishanno?’ Iimi Annanke Yihowa lowo geeshsha baxanke isi giwanno coyiwiinni xoonqeemmo gede kaaˈlitannonke.—Fa 97:10.

YIHOWA LEDO NOOˈNE JAALOOMI BAˈˈANNOˈNEKKI GEDE QOROPHE (QO 3:5) YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Hafuurre maati?

• Hafuurrenna kaphu maganna magansiˈra giwa hasiissannonkehu mayiraati?

• Soorronna kaphu maganna magansiˈra mayi xaadooshshe afidhino?

• Roorenkanni, shoomantino roduuwi galtensara hasiisannore lashshi assitannokki gede qoropha hasiissannonsahu mayiraati?