5:5-7, 11

Israeelete daga mereero nooha aye manchono angate anje Yihowa ledo keere kalaqiˈrannota hooltasira didandiitanno. Lowo geeshsha buxino manchi nafa dandaannore shiqishiˈri geeshsha, kakkalosi Yihowa hagiirsiissanno. Togoo manni bullee shiqishiˈra dandaanno; kayinni Yihowa, shiqishidhanno bullee ayirradu wosinira shiqinshannite gedeeta “fila” woy liiqo ikkitara hasiˈranno. (Ka 18:6) Xaa yannarano, heeshshonke gari hendoommo geeshsha uyineemmokki gede assinkero nafa, dandiinummo deerrinni uyiˈneemmota “galatu kakkalo” Yihowa hagiidhe adhanno.—Ib 13:15.

Fayyimmate hoonginni woy dhukikki albihu geeshsha ikka hoogeenna albi gede soqqama hoogittoro, aleenni kulli hedo jawaachishshannohehu hiittoonniiti?