Halaalu wixi mannu wodanira rumuxxannonna lophanno gede assannohu Yihowaati. (1Qo 3:6-9) Konni daafira, soqqanshonkenni dancha guma afiˈrate, Yihowa ninkeno Qullaawu Maxaafi rosaanonkeno kaaˈlannonke gede iso addaxxa hasiissannonke.

Xiinxallissinanni manni fonqolonna guficho ikkannore qeele saˈˈanno gede kaaˈlansara Yihowa huucce. (Fil 1:9, 10) Huuccatto assidhinanni woyite hasidhinoonnire baddine kulle. Hedoˈnenna assooteˈne qullaawu ayyaani massagannoˈne gede huuccidhe. (Lu 11:13) Qullaawu Maxaafi rosaanoˈnera huuccidhanno gara rosiissensa; hattono huuccidhanno gede jawaachishshensa. Insa ledo mitteenni heedhine huuccidhe, hattono suˈmansa gantine insa daafira huucce.

MANNA ROSAANO ASSATE LOOSINNI HAGIIDHE—YIHOWA QIXXAAWO HOROONSIDHE—HUUCCATTO YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Niita Jeedi xiinxallissanni heedheenna qarra ikkinoseri maati?

• Umi Qorontoosi 3:6 noo hedo Niita kaaˈlitinosehu hiittoonniiti?

• Niitara qarra ikkino coyi tidhaminohu hiittoonniiti?