Yesuusi, ninke uyineemmore ikkinummoro wolootuno uyitannore ikkitannota coyiˈrino. (Lu 6:38) Uyineemmore ikkinummoro, ammanate roduuwinkeno shaqqaddanna eltannore ikkitanno.

Shaqqillunni aa magansiˈranke widooti. Yihowa, kaaˈlo hasiissannonsare ammanate roduuwansa shaqqillunni kaaˈlitannore laˈˈanno hattono insa baˈraasate qaale eino.—La 19:17.

UYITINANNIRE IKKITINOONNI DAAFIRA GALANTEEMMOˈNE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Fushshitinanni woxe ammanate roduuwaˈne kaaˈlate horoonsiˈnanni heeˈnoonnihu hiittoonniiti?

• Uyineemmori ikki geeshshihano ikkiro, woˈmanka woyite uyineemmore ikka hasiissannonkehu mayiraati?—JW.ORG aana nooha, “Mittu Jiro Wolu Qarra Tirtanno” yaanno birxichono lai.