Mito woyite, wolootu insa kaaˈlate diinaggaambe assinoommore naada hooggara woy mulenni habbara dandiitanno. Yihowara loonseemmo loosina? Maganinke assineemmore naadanno daafira, isira woˈma giddonkenni soqqamate assineemmore horo dihawanno. Isi dhiwannonke daafira konni albaanni assineemmo geeshshire assa hoongummoro nafa horo tuge diagurannonke.—Ib 6:10.

YIHOWA DIHAWANNO YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Roduu Hibshimaani Yihowara addi addi garinni diinaggaawe soqqaminohu hiittoonniiti?

• Roduu Hibshimaani minaamasi shiiˈrihu gedensaanninna geedhino daafira alba assanno geeshshire assa hoogi yannara, Yihowa iso hawinokkita leellishinohu hiittoonniiti?

• Woˈma yanna soqqansho Roduu Hibshimaanira jiro abbitinosi yineemmohu mayiraati?—La 10:22