Coyiˈneemmorinninna assineemmorinni calla ikkikkinni hendeemmorinnino ammanammoommore ikkinoommota leellisheemmo. (Fa 19:14) Konnira Qullaawu Maxaafi halaale ikkinoha, ayirrado, taalo, minshanniri nookkiha, baxille, dancha suˈma, seyinohanna naandanni coye baala hendeemmo gede jawaachishannonke. (Fil 4:8) Hige woˈmanka woyite busha hedo surrenkera daggannokki gede assiˈra didandiineemmo. Ikkirono, ninkeneeto eemadhanke busha hedo surrenke giddonni fushshine hooˈline danchare hendeemmo gede kaaˈlitankera dandiitanno. Hendeemmorinni ammanammoommore ikkanke assineemmorinnino ammanammoommore ikkineemmo gede kaaˈlitannonke.—Marq 7:21-23.

Aane noohu mittu mittunku qummeeshshira, hiittoo hedo qoropha hasiissannonkero borreessi:

Ro 12:3

Lu 12:15

Mt 5:28

Fil 3:13