HEESHSHOTENNA SOQQANSHOTE GAMBOOSHSHITA XIINXALLOTE MAXAAFICHO Dotteessa 2017
Lawishsha Ikkannoha Hasaawu Bitima
Baqqi Yiiyye! yitanno metseetehanna Halaale Rosiisi yaannohu hunda Maganu Mangiste daafira hasaawate kaaꞌlannoha lawishsha ikkannoha hasaawu bitima. Umikkiha hasaawu bitima qixxeessiꞌrate lawishshuwa horoonsiꞌri.
MAGANU QAALI GIDDO NOO JIRO
Yihowa Hedoꞌnenna Akataꞌne Seekke Biddi Assano Gede Fajje
Yihowa iso hagiirsiissanno akatta heedhannonke gede seekke biddi assannonke; ikkollana ninkeno assa hasiissannonkeri no.
KIRISTAANU HEESHSHORA
Anga Fantine Haadhensa
Gambooshshenke daanno manni baalu mereeronke noo baxille laꞌꞌa hasiissannonsa, qoleno insano banxeemmonsata leellisha hasiissannonke. Mangistete Addaraashera hagiirrunna baxillinna woꞌmanno gede kaaꞌla dandaattohu hiittoonniiti?
MAGANU QAALI GIDDO NOO JIRO
Yihowa ‘Afino Wodani’ Nooꞌne?
Ermiyaasi fooliishsho 24te aana Maganu Yihowa manna laalote ledo heewisiisino. Dancha laalo yiniri ayeooti? Ninke insa lawishsha harunsa dandiineemmohu hiittoonniiti?
Kiristaanu Heeshshora
Ayyaanaamittetenni Shoshshoggitinore Jawaachisha Dandiitinanni
Ayyaanaamittetenni shoshshoggino Kiristaanino Yihowara muxxete. Ninke insa songonniwa higganno gede kaaꞌla dandiineemmohu hiittoonniiti?
MAGANU QAALI GIDDO NOOTA MUXXE JIRO
Ermiyaasi Gede Worbuulle Ikke
Ermiyaasi Yerusaalame baꞌannota 40 diro kulanni keeshshino. Isi worba ikke heeꞌranno gede kaaꞌlinosiro maati?
KIRISTAANU HEESHSHORA
Maganu Mangiste Faarso Worba Ikkinanni Gede Kaaꞌlitanno
Zakisenihawuzeni yinanni kaampera usuramino roduuwi Maganu Mangiste faarso faarsansa ammanansa kaajjishshinonsa. Ninkerano fonqolu iillannonke yannara kuri faarsuwa jawaante ikkitankera dandiitanno.
MAGANU QAALI GIDDO NOO JIRO
Yihowa ‘Haaro Gondooro Eꞌꞌeemmo’ Yee Masaalino
Haaru gondoori Higgete gondooriwiinni baxxinohu hiittoonniiti? Kuni gondoori hegerira kaaꞌlannonkehu hiittoonniiti?
