Phaawuloosinna Sillaasi usuru mine heedhe faarsotenni Magano guwissino. (Soq 16:25) Yannankerano roduuwinke Jarmanete Naazi gashshooti yannara Zakisenihawuzeni yinanni kaamperanna Sayibeeriya qafadante hadhinowa Maganu Mangiste faarso faarsitino. Kuri lawishshuwa, faarso fonqolu iillinonsa Kiristaana jawaachishshannota leellishshanno.

Muli yanna giddo Yihowara ‘Hagiirrunni Faarse’ yaannoha faarsote maxaafa batinyu afiinni qixxeessinanni. Faarso wodaninkera qaˈmitanno gede maatete magansiˈra assiˈneemmo yannara rosiisiˈra dandiineemmo. (Ef 5:19) Hakkiinni qullaawu ayyaani fonqolu iillannonke yannara kuri faarsuwa qaangeemmo gede kaaˈlannonke. Maganu Mangiste faarsuwa Maganu uyinonke hexxo illachinsheemmo gede kaaˈlitannonke. Qoleno fonqolu iillannonke yannara jawaante afiˈneemmo gede assitannonke. Fonqolu iillinonkekki woteno, faarso hagiirraamo wodana afiˈnoommo daafira Yihowara ‘hagiirrunni faarsineemmo’ gede assitannonke. (1Du 15:16; Fa 33:1-3) Duuchante yannara Maganu Mangiste faarso danchu garinni horoonsiˈno!

LOOSAASINE JAWAACHISHSHINO FAARSO YITANNO VIIDIYO LAˈINI GEDENSAANNI AANTE NOO XAˈMUWARA DAWARO QOLLE:

• Roduu Firosti faarso qixxeessanno gede kakkayisinosiri maati?

• Zakisenihawuzeni yinanni kaampera usurame noo roduuwa faarso jawaachishshinonsahu hiittoonniiti?

• Maganu Mangiste faarso jawaante ikkitinohehu hiittoo woteeti?

• Qaaga hasiˈrattoti Maganu Mangiste faarso hiitteeti?