Kaphu maganna hoolanno seeri qixxaawinokkiha ikkiro nafa, Yaiqoobi Magansiˈra hasiissannohu Yihowa calla ikkinota afino. (Fu 20:3-5) Hakko daafira Beeteli higanno gede Yihowa kulisihu gedensaanni, Yaiqoobi ledosi noo manni baalu kaphu maganna hunanno gede kulinonsa. Hakkiinni Yaiqoobi kaphu maganna hattono gutichuwanna quraama lawinore huntanno gede assino. (Ka 35:1-4) Yaiqoobi assinorinni Yihowa hagiidhinoti dihuluullissannote.

Xaa yannara, Yihowa calla magansiˈra dandiineemmohu hiittoonniiti? Balanxe kaphu maganna woy agaanintete ledo xaado afiˈrinore huna hasiissannonke. Togo assate kiilu ledo xaado afiˈrinore hunanna boohaarreemmo coye seekkine qoropha hasiissannonke. Lawishshaho, ateneeto togo yite xaˈmi: ‘Nabbaweemmo maxaafi woy laeemmo filme bulgo, reedaana woy mannu wolqara aleenni ikkitino ogimma leellishshanno? Boohaarreemmo coyi digintete loosi, bita woy goju mittoreno gawajjannokkihu gede asse leellishanno?’ Yihowa giwanno coyi baaluwiinni xeertiˈra hasiissannonke.—Fa 97:10.

“DAAWULOOSI GIBBE” YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLLE:

• Paleesa yinanni rosaanchora iillinose qarri maati?

• Agaanintete ledo xaado afiˈrino qarri iillannosi manchi songote cimeeyye kaaˈlo xaˈmira hasiissannosihu mayiraati?

• Yihowa agarooshshe afiˈra hasidhannori hiikkuri coyibba huna hasiissannonsa?

• Paleesa worbimmatenni maa assitino?

• Kiˈne heedhinanni qooxeessira, agaanintete ledo xaado afiˈrinohu huna hasiissanno coyi maa maati?