QANCHU SOQQANSHORA DIINAGGAABBE
Qoqqowu Gambooshshi Koyishshi Zamacha
Diru dirunkunni qoqqowu gambooshshira shiqannoha ayyaanaamittete jila itate quqquxamme agadhineemmo. Wolu mannino Yihowa dancha ikkinota qamase laˈˈannonna ninke ledo gamba yaanno gede dandiinummo deerrinni lowo manna koyisate woˈnaalleemmo. (Fa 34:8) Mitte mittente songohu cimeeyyete bisi koyishshu woraqata danchu garinni tuqisa dandiinanni gara qineessanno.
HEDA HASIISSANNO COYIBBA
-
Songonke qoqqowu gambooshshe assidhannohu mamooteeti?
-
Zamacha hananfannihu mamooteeti?
-
Songonke qanchu soqqansho gambooshshe assidhannohu mamoote mamooteeti?
-
Zamachu yannara assate mixiˈroommori maati?
-
Koyisate hedoommori ayeooti?
KOYISATE MAYYAA DANDIITINANNI?
Qooxeessaho rosamino garinni keere haadhinihu gedensaanni togo yaa dandiitinanni:
“Lowo geeshsha hasiisanno gambooshshira alamete deerrinni manna koyisate konne koyishshu woraqata tuqinsanni heeˈnoommo. Gambooshshu heeˈranno bayicho, barranna yanna konni woraqati aana kulloonni. Konne gambooshshe dayittoro tashshi yaannonke.”
HASATTONSA LEXXITANNO GEDE ASSA DANDIITINANNI GARA
Gambooshsheho lowo manna koyisate illachinsheemmoha ikkirono, hasatto noonsa manna anfummoro hasattonsa lexxitanno gede assate qixxaamboommore ikka hasiissannonke.
Qidaametenna Sambatu barra koyishshu woraqati ledo metseete ela dandiitinanni.