Maganu Gashshooti qansoota ikka hasidhannori dandiitu deerrinni konni Gashshootirenna kuni Gashshooti assinore seekkite rosa hasiissannonsa. Mayira? Togo assansa ammanansa jawaachishshannota calla ikkitukkinni Maganu Gashshooti gashshanni noota affe wolootaho dancha duduwo kulate kaꞌanno gede assitannonsa. (Fa 45:1; 49:3) Maganu Gashshoote—100 Dironna Hakkuyi Kawa yitanno viidiyo laꞌine aante noo xaꞌmuwa qolate woꞌnaalle:

1. “Kalaqote Foto Diraami” laino mannira lowo atoote ikkinohu hiittoonniiti?

2. Raadoone mannaho dancha duduwo duduwate kaaꞌlitinohu hiittoonniiti?

3. Dancha duduwo duduwate horoonsiꞌnoommoti wole doogga hiikkuriiti? Tini mayi guma abbitino?

4. Soqqanshote kaaꞌlannonke qajeelshi yannate kiiro woyyaawanni dayinohu hiittoonniiti?

5. Giliyaadi Rosi Mine rosaanote hiittoo qajeelsha uyinoonni?

6. Jajjabba gambooshshuwa Yihowa daga rosiisate kaaꞌlitinohu hiittoonniiti?

7. Maganu Gashshooti hanafinota ammanatto gede assinoheri maati?

8. Maganu Gashshootira haꞌlineemmota leellinsheemmohu ma garinniiti?