Viidiyo illete laꞌnanni macciishshinannire amaddino daafira mannu wodana kakkayisate wolqa afidhino. Tini qolte laꞌꞌanno manchi hedosi billaallitukki harunsanno gedenna lainore hawannokki gede assitanno. Illete leellannore horoonsiꞌre rosiisate taalle nookkihu Yihowaati.—Soq 10:9-16; Aj 1:1.

Dancha Duduwo yitanno birosherera noohura 2kinna 3ki rosira guwuursha ikkitanno gede Maganoho Suꞌmu Noosi?, Qullaawa Maxaafa Qixxeessinohu Ayeti? nna Qullaawu Maxaafi Halaale Ikkinota Mayinni Anfeemmo? yitanno viidiyo qixxeessinoonni. Qullaawa Maxaafa Xiinxalla Hasiissannohu Mayiraati?, Qullaawa Maxaafa Xiinxallinseemmohu Hiittoonniiti?, hattono Mangistete Addaraashenkera Maa Maa Assinanni? yitanno viidiyo mannu ninke ledo Qullaawa Maxaafa xiinxallanno gede woy songote gambooshshenke daanno gede jawaachishshanno. Mite seeda viidiyono Qullaawu Maxaafi xiinxallo yannara rosiisate horoonsiꞌra dandiineemmo.—km 5/13 3.

• Qaete annira leellisha hasiꞌrootto viidiyo balaxxe dirrisiꞌri

• Viidiyo laꞌne qollannita mitte woy lame xaꞌmo qixxeessiꞌri

• Viidiyo fanteenna ledo laꞌe

• Qara qara hedo hasaabbe

• Tiraaktuwanke giddo mittete aana badhiidi qoola fante, Qullaawa Maxaafa Xiinxalla Hasiissannohu Mayiraati? yitanno viidiyowa massitanno koodde leellishi

• Qullaawu Maxaafi Halaale Ikkinota Mayinni Anfeemmo? yitanno viidiyo leellishittohu gedensaanni, Dancha Duduwo yitanno biroshere elte 3ki roso egensiisi