Magano waajjitanno annuwinna amuuwi oosonsa ammanante Yihowara soqqantanna laꞌꞌate quqquxantanno. Annuwunna amuuwu oosonsa anje heedheennanni Qullaawu Maxaafi rosi wodaninsara qaꞌmanno gede assite, ammanante Yihowara soqqantanno gede kaaꞌla dandiitanno. (Mar 6:7; La 22:6) Tenne assate uminsa horo agura hasiissannonsa? Ee! Ikkollana afidhanno baꞌraaꞌri agurtanno coye rooranno.—3Yo 4.

Annuwunna amuuwu Yooseefinna Maariyaamiwiinni lowore rosa dandiitanno. Insa lowo woxinna wolqa hasiissannoha ikkirono, Faasiku ‘ayyaana ayirrisate diru dirunkunni Yerusaalame haꞌranno’. (Lu 2:41) Insa maatensa giddo ayyaanaamittete coye balaxisiissinoti dihuluullissannote. Hatteente gede, xaa yannara annuwunna amuuwu afidhu faro baala horoonsidhe coyidhannorinninna assitannorinni lawishsha ikkite oosonsa gara ikkitino doogo massaga dandiitanno.—Fa 127:3-5.

INSA AFIDHINO FARO BAALA HOROONSIDHINO YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:

• Jooninna Shaarooni ooso lossidhanni heedhenni Maganu Mangiste balaxisiissinohu hiittoonniiti?

• Annuwunna amuuwu oosonsa akatinsa garinni seejja hasiissannonsahu mayiraati?

• Annuwunna amuuwu oosonsa iillannonsahu ammanate fonqolira qixxeessa dandiitannohu hiittoonniiti?

• Oosoꞌne ayyaanaamittetenni lophitanno gede kaaꞌlate horoonsidhinannihu Yihowa dirijjite qixxeessitino uduunni hiikkonneeti?