Yesuusi dancha lawishsha ikkinonke; roorenkanni fonqolu iillannonkenna mannu xiiwannonke woyite isi lawishsha harunsa hasiissannonke. (1Ph 2:21-23) Yesuusi xonnoonnisihanna lowo qarra iillinshoonnisiha ikkiro nafa, horo dirabbisiꞌrino. (Marq 15:29-32) Isi cincanno gede kaaꞌlinosiri maati? Isi Yihowa fajjo assate murciꞌrino. (Yoh 6:38) Hattono ‘albillitte afiꞌranno hagiirre’ illachishino.—Ib 12:2.

Ammanankenni kainohunni mannu miicannonke woyite maa assa hasiissannonke? Addu Kiristaani ‘busha bushunni diqolanno.’ (Ro 12:14, 17) Qarru iillannonke woyite cincine saꞌꞌate Kiristoosi lawishsha harunsineemmoha ikkiro, Magano hagiirsiinseemmo daafira ninkeno hagiidhineemmo.—Mt 5:10-12; 1Ph 4:12-14.

YIHOWA SUꞌMI ROORANNO YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Rodoo Phootizingeri callase usurante noo yannara yannase hayyotenni horoonsidhinohu hiittoonniiti?

• Rodoo Phootizingerinna minaannise addi addihu usuru mine usurami yannara dandee saino qarri maati?

• Insa cincite saꞌanno gede kaaꞌlinonsari maati?