HASIISSANNOHU MAYIRAATI? Hojju xiinxallo halaalu “mageeshshi geeshsha halaꞌladonna hojjaameessa, seedanna diime” ikkinota wodanchineemmo gede kaaꞌlitannonke. (Ef 3:18) Hattono tenne busha alame giddo xurunna minshe nookkire ikkine heeꞌneemmo gedenna “heeshshote qaale seekkine” cuꞌmineemmo gede assitannonke. (Fil 2:15, 16, NW) Maganu Qaale xiinxallanke, mitti mittinkera xiinxallate hasiissanno borro doodhineemmo gede kaaꞌlitannonke. Qullaawa Maxaafa nabbambenna xiinxalline horo afiꞌrate maa assa dandiineemmo?

TENNE ASSA DANDIINANNI GARA:

• Qullaawa Maxaafa xiinxallitinannihu woraqatu aaninni woy elekitiroonikete uduunnichinni ikkirono, qummeeshsha malaatisanna qaagiishsha borreessitine amaxxa dandiitinanni

• Maganu Qaale nabbabbinanni woyite kiꞌneneeto togo yitine xaꞌme: Ayi? Maa? Mamoote? Mama? Mayira? Hiittoonni?

• Woꞌma taje afiꞌrate woꞌnaalle. Xiinxallate kaaꞌlitanno borro horoonsidhine, mitto birxicho woy mitto qummeeshsha xawinsoonni borro doortine xiinxalle

• Nabbabbinoonnire harunsa dandiitinanni gara wodanchate hiince

• Nabbabbinoonnire barru barrunkunni loosunni leellishshe.—Lu 6:47, 48

HOJJU XIINXALLO “HEESHSHOTE QAALE SEEKKE” CUꞌMIRATE KAAꞌLITANNO YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:

• Mitu roduuwi hojju xiinxallo kaaꞌlitanno gara mayite xawissino?

• Hojju xiinxallo assiꞌneemmo woyite huuccatto assiꞌne hanafa hasiissannonkehu mayiraati?

• Mite Qullaawu Maxaafi hedo roore wodanchineemmo gede mayi kaaꞌlannonke?

• Xiinxallineemmo woyite Qullaawu Maxaafi giddo hiittoo kuulinni malaatisiꞌra dandiineemmo?

• Maganu Qaale xiinxallineemmo woyite hiinca lowo geeshsha hasiissannohu mayiraati?

• Ronsoommore ma assa hasiissannonke?