Assineemmo coyi lowohano ikko shiima balanxe, ‘Yihowa hedo maati?’ yine ninkeneeto xaˈmineemmo? Yihowa hedo gudinse afa dandiineemmokkiha ikkirono, isi Qaalisi giddo, “dancha coye” assate hasiissannonkere baala kulinonke. (2Xi 3:16, 17; Ro 11:33, 34) Yesuusi Yihowa fajjo seekke wodanchino hattono Annisi fajjo balaxisiisino. (Yoh 4:34) Ninkeno isi lawishsha harunsine, mitto coye assate kaˈneemmo woyite Yihowa hagiirsiisanno garinni assate dandiineemmore baala assino.—Yoh 8:28, 29; Ef 5:15-17.

YIHOWA HEDO MAATIRO WODANCHE (LE 19:18), YITANNO VIIDIYO LAˈNIHU GEDENSAANNI AANTE NOO XAˈMUWARA DAWARO QOLLE:

• Heeshshonke giddo Qullaawu Maxaafiha xintu seera harunsa hasiissannonkehu mayiraati?

• Gara ikkino muuziiqa doodhate kaaˈlannonkehu Qullaawu Maxaafihu xintu seeri hiikkonneeti?

• Uddiˈneemmonna seenseemmo gara doodhate kaaˈlannonkehu Qullaawu Maxaafihu xintu seeri hiikkonneeti?

• Qullaawu Maxaafiha xintu seera harunsa hasiissannonkehu wolere maa assineemmo woyiteeti?

• Yihowa fajjo wodanchate dandoonke lexxitanno gede assiˈra dandiineemmohu hiittoonniiti?