Mararate yaa, mittu manchi hedo, macciishshaminosire, mittu coyira noosi lao woy hasiisannosire wodanchate dandooti. Wolootu mararreemmonsa woyite affanno; manna addinta kaaˈla hasiˈneemmoha ikkiro, mararreemmore ikkineemmo. Soqqammeemmo woyite manna mararreemmoha ikkiro, Yihowa baxillinna shooshanqesi xabbe leeltanno gede assineemmo; tini mannu Yihowawa shiqanno gede assitanno.—Fil 2:4.

Manna marara rosiinseemmo woyite horoonsiˈneemmo ogimma calla diˈˈikkino; hatteentenni, macciishshineemmonna coyiˈneemmo gari, laonke, bisinke millimillonna albinkera leellannori manna mararreemmota leellishanno. Mannaho godowinta hende mararreemmonsata leellinsheemmo. Qoleno hasattonsa, ammaˈnonsanna heeshshonsa gara huwatate woˈnaalleemmo. Heeshshonsara kaaˈlannore kulleemmonsa; kayinni woyyaawe biddi yaanno gede dimurrinseemmo. Sabbankeemmo manni kaaˈlinammonsara maahoyye yiiro, soqqanshonkenni afiˈneemmo hagiirri lexxanno.

MANNA ROSAANO ASSATE LOOSINNI HAGIIDHE—DANDOOˈNE WOYYEESSIDHE—MANNA MARARREEMMOTA LEELLISHA YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Jeedi xiinxallote barrisidhe dagguta Niita marartannoseta leellishshinohu hiittoonniiti?

• Jeedi loosu batiˈreennase yaaddino daafira xiinxalla dandiitannokkita kultuta Niita marartannoseta leellishshinohu hiittoonniiti?

• Jeedi ‘Ani mitto coye qucuˈmi assiˈra didandeemma’ yituta Niita marartannoseta leellishshinohu hiittoonniiti?