Maganoho hajajama hasiissannonkehu woˈmu wodaninniiti. (La 3:1) Hakko daafira sabbankeemmo manni wodana kakkayisate sharrama hasiissannonke. Hiittoonni?

Rosaanchikkira Qullaawu Maxaafi halaale rosiisse calla agurtooti; hatteentenni, rosinori heeshshosiranna Yihowa ledo noosi jaaloomira kaaˈlannosi gara huwatanno gede kaaˈli. Qullaawu Maxaafi seeri Yihowa baxille, danchummasinna keeraanchimmasi leellishannohu hiittoonniitiro huwatanno gede assi. Rosanni noo rosi daafira mayi macciishshamannosiro kulanno gede assitanno xaˈmo hayyotenni xaˈmi. Busha akata woy gade qeeˈliro heeshshosi woyyaabbanno gara huwatanno gede kaaˈlisi. Xiinxallissinanni manchi Yihowa woˈmu wodanisinni baxannota laˈinanni woyite, hagiirriˈne lexxanno.

MANNA ROSAANO ASSATE LOOSINNI HAGIIDHE—DANDOOˈNE WOYYEESSIDHE—MANNU WODANA KAKKAYISA YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Niita, Jeedi “Tenne Sanyote barra hasaambummore seekkite heditta?” yite xaˈmitinohu mayiraati?

• Niita, Jeedi Qullaawu Maxaafi seeri Yihowa baxannoseta leellishanno gara huwattanno gede kaaˈlitinosehu hiittoonniiti?

• Niita, Jeedi Maganoho noose baxille leellisha dandiitanno gara heddanno gede kaaˈlitinosehu hiittoonniiti?