Lawishsha ikkanno hasaawi seekkine hende qixxeessinoonniho; qoleno batinye halashshaano konne hasaawa horoonsidhe qoqqowinsara dancha guma afidhino. Ikkollana alamete qooxeessira noo ikkito bayichu bayichu garinni babbaxxitanno daafira, halashshaano soqqantanno woyite uminsaha hasaawu bitima horoonsiˈra woy qooxeessu manni hasaawa baxanno hajo kayisse hasaawisa dandiitanno. Ikkollana ninke baalunku baxxino zamachi yannara kullanninke biddishsha harunsa hasiissannonke. Mixonke Yesuusi Maganu Mangisteha dancha duduwo dudumbammora uyinonke looso umo fushshate.—Mt 24:14.

Halashshaano rosaanote kifile shiqishshanno woyite, Kiristaanu Heeshshonna Soqqanshote Xiinxallote Maxaafichora nooha lawishsha ikkanno hasaawa horoonsiˈra hasiissannonsa. Ikkollana halashshaano bande kulloonniri heeˈriro ikkinnina, xaˈmo, qummeeshsha, wolu woyitira qixxeessinoonni xaˈmo, woy yannanna bayicho qooxeessaho injaanno garinni soorra dandiitanno. Tini hedo Ella 2020te xiinxallote maxaafichora qoola settete noo biddishsha biddi assinoonnite.