Soqqanshonke halashshiˈrate ronsoommo qooxeessa agurre wolewa haˈrate ammana hasiissanno. (Ib 11:8-10) Sabbakkannori roore hasiissannowa hadhine soqqamate heddinanni heedhinoonniha ikkiro, songoˈne cimeeyye amaaˈle. Haˈrate mayi mayi hasiisannoˈnero afatenna hadhinanni qooxeessa doodhate maa assa dandiitinanni? Sabbakkannori roore hasiissannowa haˈre soqqamate daafira kultanno borro xiinxalle. Kaaˈlo hasiissanno songo hadhe kaaˈlitino roduuwa amaaˈle. (La 15:22) Yihowa biddishsha afiˈrate huuccatto assidhe. (Ya 1:5) Hadhinara heddinoonni qooxeessi daafira leddine afate woˈnaalle; hattono dandaamannoha ikkiro hadhinannironna teˈee doodhitinara albaanni hakkonne qooxeessa mitu barri geeshsha martine laˈe.

AMMANATENNI LOOSOHO FAˈNAMINOˈNE WAALCHO EˈE—SABBAKKANNORI ROORE HASIISSANNOWA HADHE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Gabirieeli qeele saino fonqoli maati? Qeele saˈˈanno gede kaaˈlinosiri maati?