Ayyaanaamittete mixo Yihowara albinni roore soqqamatenna iso hagiirsiisate jawaante loonseemmo loosooti. Togoo mixo ayyaanaamittetenni gikki yineemmo gede kaaˈlitannonke; qoleno tenne assate yannankenna wolqanke aa kiissannonke. (1Xi 4:15) Fushshiˈnoommo mixo yannate kiiro wirro buuxiˈra hasiisannonkehu mayiraati? Heeˈnoommo gari soorramanno daafiraati. Alba fushshiˈnoommo mixo xa kaaˈlitannonkekkiha ikkara dandaanno; woy hatte mixo wonshiˈnoommoha ikkara dandaanno; konnira wole mixo fushshiˈra dandiineemmo.

Fushshiˈnoommo mixo haaru soqqanshote diri hanafara albaanni layiˈra danchate. Maatete magansiˈraˈne yannara tenne daafira hasaabbine maatete deerrinnino ikko annu annu deerrinni mite mixo fushshiˈra dandiitinanni ikka?

Aante noo hajo daafira hiittoo mixo fushshidhinoonni? Tenne mixo wonshiˈrate maa assate heddinoonni?