Wocawaaru aganira mannu ooso qarra tirtannoti Maganu Mangiste calla ikkitinota mannaho kulate baxxino garinni sharrammeemmo. (Mt 24:14) Kiˈne tennera kaaˈlama dandiitinannihu hiittoonniiti? Hakko aganira Maganu Mangiste daafira kulanno qummeeshsha dandaamiˈne deerrinni lowo mannira kulate sharramme. Hasaawissinanni manchi hasatto noosita leellishiro, mannaho ellannita Agarooshshu Shae Kiiro 2 2020 uyiyyesi. Hakkiinni mulenni galagaltine martine hasaawisse; hattono Hegerera Hagiidhitanni Heeˈra Dandaatto! yitanno biroshere horoonsidhine Qullaawu Maxaafi xiinxallo hanafisiisate woˈnaalle. Konni aganira 15 woy 30 saate soqqamme kaaˈlaano suwisaano ikka dandiineemmo.

Maganu Mangiste konne gashshoote giwanno gashshoote baala coˈo assite huntanno. (Da 2:44; 1Qo 15:24, 25) Tenne kaajja faro horoonsiˈrate dandiinummore baala assine Yihowaranna Mangistesira halammeemmota leellinsho!