JW Layibirere yaa, mobayilenke, taabileetenke woy kompiyuterenke aana Qullaawa Maxaafanna wole borro, hattono viidiyonna qaddaꞌnoonni coye dirisira dandiineemmo appilikeeshiine (woy uduunnichooti).

AFIꞌRA DANDIINANNI GARA: Interneete fantine addi addi appilikeeshiine amaddino pirogiraame aaninni JW Layibirere hogophe woy dirrisidhe. Tini Layibirere addi addihu elekitirooniksete uduunnichi aana loossanno. Interneetete aana heedhine Layibirere fantini gedensaanni, dirrisiꞌra hasidhinanni coyibba doodhe. Mineꞌne interneete loossannokkiha ikkiro, Mangistete Addaraashera, maxaaffate mine, woy shaete mine martine faꞌna dandiitinanni. Borronna addi addi coyibba dirrisidhini gedensaanni, tenne coyibba faꞌnate interneete dihasiissannoꞌne. JW Layibirerete aana yannate kiiro haaro coyibba lendanni daafira, saꞌine saꞌine interneete faꞌnitine appilikeeshiine haaroonsiꞌra hasiissannoꞌne.

HASIISSANNONKEHU MAYIRAATI? JW Layibirere, hojju xiinxallo wotiranna songote gambooshshi yannara lowo geeshsha kaaꞌlitannonke. Soqqanshoteno baasa kaaꞌlitannonke. Roorenkanni sabbakate fulloommokki wote farciꞌrate kaaꞌlitannonke.