9:1-7

Yesuusi soorrame ajuujatenni leelli woyite, iimi Annisi baxannosita kulisita mayi macciishshaminosiro hanni hedi. Tini Yesuusi albillitte iillannosi qarra dandee saꞌꞌanno gede jawaachishshinositi dihuluullissannote. Tini ajuuja Pheexiroosi, Yaiqoobinna Yohaannisi dhagge assidhanno gedenna Yesuusi Mesihicha ikkinota ammantanno gede assitinonsa. Mitu 32 diri gedensaanni Pheexiroosi, tini ajuuja ‘masaalotenni kulloonni qaali’ woꞌmannota ammananno gede assitinosita coyiꞌrino.—2Ph 1:16-19.

Ninke tenne xagge ikkitanno ajuuja laꞌꞌa hoongummorono, tini ajuuja woꞌmitanni noo gara farciꞌnanni heeꞌnoommo. Yesuusi xa wolqaataamo Moote ikke gashshanni no. Isi muli yanna giddo woꞌmunni woꞌma “qeelle adhe” keeraanchimma nooti haaro alame dagganno gede faro fananno.—Aj 6:2.

Qullaawu Maxaafi masaalo woꞌmitanna laꞌꞌakki ammanakki kaajjishshinohu hiittoonniiti?