Mitore gamba assine usurranni siiwo gede, baxillu maate mimmitunniwa gamba yitanno gede assanno. Baxillu hoogiro maatete mittimma baˈaranna sumuu yite kaaˈlama qarra ikkitansara dandiitanno. Ikkina minaanni, minaama, hattono annunna ama maatete giddo baxille leellisha dandiitannohu hiittoonniiti?

Baxillaanchu minaanni, minaamasira hasiisannore, mittu coyira noose laonna macciishshamannosere wodanchate woˈnaalanno. (Ef 5:28, 29) Isi maatesira ayyaanaamittetennino ikko maalaamittetenni hasiisannonsare wonshanno; tenne giddo mitte ganye Maatete Magansiˈra assiˈrate. (1Xi 5:8) Baxillaancho minaama, minaannisera maahoyye yite galtanno, hattono iso lowo geeshsha ‘ayirrissanno.’ (Ef 5:22, 33; 1Ph 3:1-6) Lamunku mimmito mulla gatona yaa hasiissannonsa. (Ef 4:32) Oosonsa baxanno anninna ama mittu mittunku qaaqqinsara hedanno, hattono Yihowa baxxanno gede rosiissannonsa. (Mar 6:6, 7; Ef 6:4) Oosonsara rosu mine iillannonsa fonqoli maati? Oosonsa darawonsa gara ikkinokkire assitanno gede xixxiibbannonsata dandiite saˈanni noohu hiittoonniiti? Maate baxillu woˈminota ikkituro, baalanti maatete miilla beˈe yitukki harshammi yite heedhanno.

MAATEˈNE GIDDO GEEDANNO BAXILLE LEELLISHSHE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Baxillaanchu minaanni minaamasi itisannosehunna towaatannosehu hiittoonniiti?

• Baxillaancho minaama minaannase ayirrissannota leellishshannohu hiittoonniiti?

• Annuwunna amuuwu oosonsa wodanira Maganu Qaali qaˈmanno gede assa dandaannohu hiittoonniiti?