Iibbado giddonni coyiˈranke mannu wodana kakkayissanno. Togo assanke mannu rosiinseemmore illachishanno gede assitanno. Tini kulleemmo sokka lowori gede assine laˈneemmotano leellishshanno. Budinke woy akatinke ikkihano ikkiro, iibbado giddonni coyiˈra dandiineemmo. (Ro 12:11) Hiittoonni?

Umihunni, kulatto sokka mageeshshi geeshsha hasiissannotero hedi. “Dancha duduwo” duduwate qoosso afiˈrootto. (Ro 10:15) Layinkihunni, danchu duduwi rosiisatto manna kaaˈlanno gara hiinci. Kulattonsa sokka insara lowo geeshsha hasiissannote. (Ro 10:13, 14) Jeefote, bisu millimillonna albu xawishsha garunni horoonsidhe iibbado giddonni coyiˈri.

MANNA ROSAANO ASSATE LOOSINNI HAGIIDHE—DANDOOˈNE WOYYEESSIDHE—IIBBADO GIDDONNI ROSIISA YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Niita Jeedi iibbado giddonni xiinxallissannokki gede assinoseri maati?

• Niita wirro iibbado giddonni rosiissanno gede kaaˈlinoseri maati?

• Rosiinseemmo mannita dancha akatta illachisha hasiissannonkehu mayiraati?

• Iibbado giddonni coyiˈranke Qullaawu Maxaafi rosaanonkenna woloota kaaˈlitannohu hiittoonniiti?