Manna galagalle marre hasaawinseemmo woyite woy Qullaawa Maxaafa xiinxallinseemmo woyite, mannu qara hedo huwatanno gede kaaˈla hasiissannonke. Qara hedo xawisate lawishsha horoonsiˈne, rosu wodaninsara coanno gedenna roso habbannokki gede kaaˈlineemmonsa.

Galagalte marte hasaawisate woy Qullaawa Maxaafa xiinxallisate qixxaawatto woyite, lawishshunni xawisa hasiˈrattota qara qara hedo balaxxe hedi. Hakkiinni mannu afinore horoonsidhe huwatate qarrisannokki lawishsha doori. (Mt 5:14-16; Marq 2:21; Lu 14:7-11) Hasaawisatto manni budenna looso afate woˈnaali. (Lu 5:2-11; Yoh 4:7-15) Mittu manchi kuloottosiri leelleennansa hagiidhinota laˈˈatto woyite, aterano tashshi yaannohe.

MANNA ROSAANO ASSATE LOOSINNI HAGIIDHE—DANDOOˈNE WOYYEESSIDHE—QARA HEDO XAWISATE LAWISHSHA HOROONSIˈRA YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Qullaawu Maxaafi rosaano mitto qummeeshsha huwatate kaaˈlo hasiissannonsahu mayiraati?

• Niita Roomu Sokka 5:12 noo hedo lawishshunni kultinohu hiittoonniiti?

• Danchu lawishshi macciishshaanonke kaaˈlara dandaannohu hiittoonniiti?

• Sabbankeemmo woyite, Yihowa dirijjite qixxeessitino viidiyubbanna rosiisate kaaˈlannoha wole uduunne horoonsiˈra hasiissannonkehu mayiraati?