Duucha woyite seejjinannihu rosiisatenna qajeelsate ikkirono, raga qolatenna qorichishateno seejjinanni. Yihowa iso hagiirsiisanno garinni magansiˈneemmosi gede seejjannonke. (Ro 12:1; Ib 12:10, 11) Seejjo xissiissanno woyiti nooha ikkirono keeraanchimmate guma laaltanno, hattono atoote abbitanno. (La 10:7) Seejjitannorino ikko seejjinanniri maa qaaga hasiissannonsa?

Seejjitannori. Songote cimeeyye, annunna ama hattono wolootu Yihowa gede shaqqillunninna baxillunni seejjate sharrantanno. (Er 46:28) Kaajjinshe seejjineemmo woyite nafa, malino garinninna baxillunni seejja hasiissannonke.—Ti 1:13.

Seejjinanniri. Seejjinoonninke gari ikkihano ikkiro, seejjo adhine bayichonko loosu aana hosiisate sharrama hasiissannonke. (La 3:11, 12) Guuntete xeˈne noonkere ikkinoommo daafira, ninke baalunkura seejjo hasiissannonke; seejjinanninkehu qole babbaxxino garinni ikkara dandaanno. Qullaawa Maxaafa nabbambeemmo woyite woy songote gambooshshiwa seejjammammora dandiineemmo. Woy mito woyite yoote komite seejjitankera dandiitanno. Seejjo macciishshanke heeshsho afiˈneemmo gede assitannonke.—La 10:17.

YIHOWA “BAXANNOHA SEEJJANNO” YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Umi qara Kanooni heeshsho hiittoote? Gedensoonni kayi heeshshosi soorrantinohu hiittoonniiti?

• Yihowa iso baxillunni seejjinosihu hiittoonniiti?

• Isi woˈnaalshinni maa ronseemmo?