‘Goofimarchu barri’ goofe daye noote tenne yannara qarru lexxanni haˈrannoti dihuluullissannote. (2Xi 3:1; xiinxallote kaaˈlitanno borro Mt 24:8) Dano kalaqantanno yannara, Yihowa dagara duucha woyite malinohanna heeshsho gatisanno biddishsha uyinanninsa. Ayyaanaamittetennino ikko maalaamittetenni xaanni qixxaawanke dano kalaqantanno woyite gate saˈˈate kaaˈlitankera dandiitanno.—Lu 16:10.

• Ayyaanaamittetenni qixxaabbe. Danchu Qullaawa Maxaafa nabbawatenna hojju xiinxallo assiˈrate rosichi heeˈrohe. Addi addi garinni soqqama rosi. Songoˈnewiinni yannate geeshsha baxxittoro masse qece yitooti. (Is 30:15) Yihowanna Yesuusiwiinni horo baxxoottokkita deˈooti.—od 176 guf. 15-17

• Maalaamittetenni qixxaabbe. Shiimaaddare wodhine adhine fullanni borsano agurranna, mitte mittenti maate martinowa keeshsha hasiissannonsaha ikkara dandaanno daafira sagale, waa, xagganna wole togoore ledde qixxeessidhe wodha hasiissannonsa.—La 22:3; g17.5 4, 6

KALAQAMU DANO IILLITANNO WOYITIRA QIXXAABBINOONNI? YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Dano kalaqantanno woyitira ayyaanaamittetenni qixxaawa dandiineemmohu hiittoonniiti?

• Aane noore assa hasiissannonkehu mayiraati?

  • cimeeyyete ledo hasaawa

  • hedeweelcho dano kalaqantanno woyitira hasiisannore qixxeessiˈra

  • kalaqantara dandiitanno dano daafiranna hakkawoyite maa assa hasiissannoro hasaawa

• Dano iillitanno woyite woloota kaaˈla dandiineemmoti sase doogga hiikkuriiti?

ATENEETO TOGO YITE XAˈMI: ‘Koroonu dhibbinni balaxe qixxaawate daafira maa rosa dandeemmo?’