Guuntete xeˈne noonkere ikkinoommo daafira busha yortonke qeeˈlate woˈmanka woyite sharrama hasiissannonke. Hasiˈnummore baala assineemmoha ikkiro Yihowa hagiirsiisa didandiineemmo. Lawishshaho mitu manni sagale, uddanonna mine afiˈrate noonsa hasatto Maganoho noonsa baxillinni roortara wodhino. Wolootu qolte siimu xaadooshshi hasattonsa wonshiˈrate Maganu seeri ledo sumuu yaannokkire assitino. (Ro 1:26, 27) Mitu kayinni wolu manni baxansara woy naadansara hasidhino daafira gara ikkinokkire assitanno gede xixxiibbansara wodhitino.—Fu 23:2.

Ikkina yortonke qeeˈla dandiineemmohu hiittoonniiti? Ayyaanaamittete coye illachishate dandiinummore baala assa hasiissannonke. (Mt 4:4) Qoleno yortonke qeeˈlineemmo gede kaaˈlankera Yihowa eeggifante huucciˈra hasiissannonke. Mayira? Korkaatuno isi ninkera woyyannore afino hattono gara ikkitino halchonke wonshannonkehu hiittoonniitiro afino.—Fa 145:16.

SIJAARA AGGANNI HEESHSHOKKI HUˈNITOOTI YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Mitu manni sijaara agannohu mayiraati?

• Sijaara aga gawajjitannohu hiittoonniiti?

• Sijaara aga soˈrote yineemmohu mayiraati?—2Qo 7:1.

• Sijaara aga giwa woy agura dandaattohu hiittoonniiti?