Qullaawu Maxaafi rosaano Magano hagiirsiisate kaajjado ammana heedhannonsa gede assiˈra hasiissannonsa. (Ib 11:6) Hegerera Hagiidhitanni Heeˈra Dandaatto! yaanno maxaafa horoonsiˈne insa tenne assitanno gede kaaˈla dandiineemmo. Konni maxaafira qara qummeeshshuwa, huwatate qarrisannokki xawishshi, lowo geeshsha hasiissanno xaˈmuwa, loosoho kakkayissanno viidiyubbanna baxissanno misilla no. Qullaawu Maxaafi rosaano Kiristaanu akatta heedhannonsa gedenna Maganu ledo muli jaalooma kalaqidhanno gede kaaˈlinummonsaro giirate gedee fonqolo dandiite saˈanno.—1Qo 3:12-15.

Mitu mannira illetenni laˈˈa dandiitannokki Magani ledo jaalooma kalaqira gooddo labbannonsa. Hakko daafira insa Yihowa baxxannonna addaxxitanno gede kaaˈla hasiissannonke.

HEGERERA HAGIIDHITANNI HEEˈRA DANDAATTO! YITANNO BORRO HOROONSIDHINE WOLOOTU YIHOWARA NOONSA AMMANA KAAJJISHIDHANNO GEDE KAAˈLE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Rodoo Qullaawa Maxaafa xiinxallisate dancha gede qixxaabbinota leellishannori maati?

• Tini rodoo Qullaawu Maxaafi rosaanchose Isayaasi 41:10, 13 daafira noose lao kultanno gede kaaˈlate wole hiittoo xaˈmuwa xaˈmitino?

• Viidiyonna qummeeshshuwa rosaancho kaaˈlitinosehu hiittoonniiti?

Batinyu manni wodote kakkalo maatiro diafino hattono Maganu insa mittu mittunkura uyinonsa elto gede asse dilaˈˈanno. (Ga 2:20) Konnira mannu Yesuusita wodote kakkalo ammananno gede kaaˈla hasiissannonke.

HEGERERA HAGIIDHITANNI HEEˈRA DANDAATTO! YITANNO BORRO HOROONSIDHINE WOLOOTU YESUUSIRA NOONSA AMMANA KAAJJISHIDHANNO GEDE KAAˈLE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Roduu Qullaawa Maxaafa xiinxallisate dancha gede qixxaawinota leellishannori maati?

• Isi, “Egenno Lexxi” yaanno gafa horoonsiˈre rosaancho kaaˈlinohu hiittoonniiti?

• Rosaanchinke daafira huuccatto assa lowo geeshsha hasiissannonkehu mayiraati?