Addu Kiristaani baalanka coye baxillunni kae assate sharramanno. Baxillu “bunshete coyira dihagiidhanno.” (1Qo 13:4, 6) Hakko daafira maaeellenna finqille noo boohaarshiwiinni xeertiˈneemmo. Qoleno wolu mannira wole agurina xissiisiˈneemmo gede assinonke mannira nafa bushu coyi iillinsaro dihagiidhineemmo.—La 17:5.

BAXILLU ASSANNORENNA ASSANNOKKIRE QAAGGE—BUNSHETE COYIRA DIHAGIIDHANNO YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Daawiti, Saaoolinna Yoonaataani reyitinota macciishshiti hiitto ikkino?

• Daawiti, Saaooliranna Yoonaataanira wiˈlinohu hiittoonniiti?

• Daawiti Saaooli reyonni hagiidhinokkihu mayiraati?