Yesuusi soqqami yannara yannate ikkanni noore horoonsiˈre rosiisino. (Lu 13:1-5) Atino mannu Maganu Mangiste sokka macciishsha hasiˈranno gede assate yannate ikkanni noore horoonsiˈra dandaatto. Hidhinanniri giira kaxxino gara, kalaqamu dano daafira, gaancete daafira, jingilli assitanno xagga adhanno manni batiˈrinota woy wole togoore kulittohu gedensaanni, afate quqquxammanni gede assitanno xaˈmo xaˈmi. Togo yite xaˈma dandaatto: “Kuri coyibba heedhannokki yanna daggannoha lawannohe?” Woy “Kuri coyibbara malu maati yaatto?” Hakkiinni tenne hajo ledo xaadooshshe afiˈrinoha Qullaawu Maxaafi qummeeshsha nabbawi. Hasaawissanni nootto manchi hasatto noosita leellishiro viidiyo leellishi woy Rosiisate Horoonsiˈneemmo Borro giddonni mitte eli. Soqqanshote qoqqowinkera heeˈranno manni wodana kakkayisate sharrammeemmo woyite, ‘danchu duduwi daafira yine baalankare assino.’—1Qo 9:22, 23.

Soqqanshote qoqqowiˈnera heeˈranno manni macciishsha baxannori maati?