“Kaaliiqi mannisinni hagiidhanno.” (Fa 149:4) Guuntete xeˈne noonkere ikkinummorono, Yihowa dancha akattankenna albillitte assa dandiineemmore illachishanno. Mito woyite kayi dancha akatta noonke yee heda qarra ikkitankera dandiitanno. Wolootu mishshinonke daafira ‘Ditidhoommoho’ yine hendammora dandiineemmo. Woy alba assinoommo soˈro illachinsheemmoha ikkiro, Yihowa baxannonketa huluullammammora dandiineemmo. Togo yine hendeemmoha ikkiro mayi kaaˈlankera dandaanno?

Yihowa laˈˈannohu mannu laˈˈanno garinni ikkinokkita qaango. (1Sa 16:7) Wole agurina isi ninke umonke laˈneemmohunni baxxino garinni laˈˈannonke. Qullaawu Maxaafi Yihowa ninke ma garinni laˈˈannonkero huwanteemmo gede kaaˈlannonke. Qullaawa Maxaafa nabbambenna Yihowa soqqamaanosi mageeshshi geeshsha baxannoro kultanno xagge xiinxalline tenne huwata dandiineemmo.

YIHOWA BAXANNOHETA WODANAKKI AMMANSIISI YITANNO VIIDIYO LAˈINIHU GEDENSAANNI AANTE NOO XAˈMUWA HASAABBE:

• Qolchamanni noo beettinna annisi daafira kulanno lawishshi Yihowa ninke ma garinni laˈˈannoro huwanteemmo gede kaaˈlannonkehu hiittoonniiti?

  Dawarokki

• Mittu jawa cubbo loosino manchi maaro eˈˈe Yihowa ledo noosi jaalooma biddi assiˈrihu gedensaanni, Yihowa baxannosita wodanisi ammananno gede assiˈra dandaannohu hiittoonniiti?—1Yo 3:19, 20

  Dawarokki

• Daawitinna Iyosaafiixi xagge nabbawe hiincasi rodoo kaaˈlitinosihu hiittoonniiti?

  Dawarokki