Phaawuloosinna Silaasi usurante heedhe Yihowa faarsotenni galaxxitino. (Soq 16:25) Insa faarso faarsansa cincitanno gede kaaˈlitinonsati dihuluullissannote. Xaa yannara ninkena? Magansiˈranke wido ikkitino faarsuwanna muuziiqu ayyaanaamittenke jawaachishanno hattono fonqolu iillannonke woyite ammanamme heeˈneemmo gede kaaˈlannonke. Baalunkunni roore Yihowa guwisate kaaˈlannonke. (Fa 28:7) Mite faarso kiiro woy gixima rossinanni gede jawaachinsheemmoˈne. Rosate woˈnaaltinanni heedhinoonni? Maatete magansiˈranke yannara faarso rosiisiˈranna faarsote kiiro rosa dandiineemmo.

QAAQQUULLU FAARSOTENNI YIHOWA GALATTANNO, YITANNO VIIDIYO LAˈINI GEDENSAANNI AANTE NOO XAˈMUWARA DAWARO QOLLE:

• Maganu Mangiste faarso faarsa mayi horo afidhino?

• Borro qoonqotenna viidiyote qoltanno roduuwi faarsinanni yannara qaddaˈˈate maa assitanno?

• Qaaqquullunna maatensa qaddaˈnanninsa woyitira qixxaabbinohu hiittoonniiti?

• Roore baxatto faarso hiitteeti? Baxattohu mayiraati?