HASIISSANNOHU MAYIRAATI? Buurantinorinna wolu geꞌreewi, duuchunku gari manni “heeshshote waa mittoreno baatikkinni” adhanno gede koyissanno. (Aj 22:17) Wayi Yihowa hajajamanno manna, cubbunna reyotenni gatisate qixxeessino qixxaawo baala riqiwanno. Addi addi budinna ammaꞌno noonsa manna kaaꞌlate ‘hegereha dancha duduwo’ baalunku mannira baxisanno garinni kula hasiissannonke.—Aj 14:6.

TENNE ASSA DANDIINANNI GARA:

• Qoqqowiꞌnera noo mannira injiitanno hajonna qummeeshsha doodhe. Lawishsha ikkanno hasaawa woy konni albaanni horoonsidhine dancha guma afidhinoonni hasaawa doodha dandiitinanni. Duuchu manni macciishsha hasiꞌranno hajonna qummeeshshi hiikkonneeti? Mannu hasaawanni nooti muli yanna giddo fultino odoo no? Labbaahu woy meyati hasaawa baxxanno hajo maati?

• Hasaabbinanni woyite qooxeessu budi garinni keere haadhe.—2Qo 6:3, 4

• Hasatto noonsare kaaꞌlate, Rosiisate Horoonsiꞌneemmo Borro giddo noo borruwanna viidiyubba seekkitine affe

• Qoqqowiꞌnera noo manni coyiꞌranno afiinni qixxeessinoonni borruwanna viidiyubba jw.org aaninni dirrisidhe

• Xaaddinanni mannira malino hasaawa doodhe. (1Qo 9:19-23) Lawishshaho, qaete anni muli yanna giddo shiiꞌrinota affiniro mayitine hasaawissinanni?

VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Halashshaanchu qaete anni ledo hasaawa hanafinohu hiitte hajo kayiseeti?

• Qaete annira iillinosiri maati?

• Togoo yannara hiikkonne qummeeshsha horoonsiꞌnoommero woyyanno? Mayira?

• Qoqqowiꞌnera noo manna baxisanno garinni hasaawisate, hasaawiꞌne gara biddi assidhinannihu hiittoonniiti?