Hundi yannanni kayisse addi addi yanna giddo uullate gashshaano Yihowa manna kaaꞌlitino. (Iz 6:1-12; As 8:10-13) Yannankera nafa, “baatto” yaano gara ikkitino lao noonsa gashshaano, “dhudhuufu” yaano Sheexaanu Daawuloosi tufino “waa” woy darte egemmitanna laꞌnanni heeꞌnoommo. (Aj 12:16) “Gatisaancho Magano” ikkinohu Yihowa mannisi fooliishsho afiꞌranno gede assate mito woyite uullate gashshaano horoonsiꞌrara dandaanno.—Fa 68:20; La 21:1.

Ammanakki daafira usuramoottohalla ikki? Yihowa laꞌꞌanni nooheta horonta huluullantooti. (Ka 39:21-23; Fa 105:17-20) Ammanakki kiissannohetanna minshe nookkiha ikkite heeꞌrakki alamete doyichora noo roduuwakki jawaachishshannota huluullantooti.—Fil 1:12-14; Aj 2:10.

KOORIYU RODUUWI USURU MININNI FULTU YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Wodiidi Kooriyira heedhannori lowo kume ikkitanno roduuwi lowo diro usurantanni heedhinohu mayiraati?

• Yoote mini mitu roduuwinke usuru mininni fultanno yanna iillitukki fultanno gede assinohu hiikkonne yoote seera harunseeti?

• Ammanansanni kainohunni muli yanna giddo usurantinore alamete doyichora noo roduuwanke kaaꞌla dandiineemmohu hiittoonniiti?

• Xa afiꞌnoommo salaame hiittoonni horoonsiꞌra hasiissannonke?

• Yoote mini qeelle afiꞌneemmo gede assinonkehu ayeti?