HASIISSANNOHU MAYIRAATI? Gambooshshu woˈmanka wote Yihowara ‘faarsiˈnanninna iso galaxxinanni’ gede kaaˈlanno. (Fa 149:1) Gambooshshunniwa Maganu fajjo maatiro ronseemmo. (Fa 143:10) Hasatto noonsarinna Qullaawu Maxaafi rosaano gambooshshe daa hanaffuro ayyaanaamittetenni roore lophitanno.

TENNE ASSA DANDIINANNI GARA:

• Hasatto noonsare dandaami deerrinni bayichonko koyisse. Gambooshsheho koyisate, mittu manchi Qullaawa Maxaafa biddiitto xiinxalla geeshsha agara dihasiissannonke.—Aj 22:17

• Hasatto noosi manchira gambooshshunniwa assinannirenna ronsannire kullesi. Songote gambooshshihu koyishshu woraqati, Mangistete Addaraashenkera Maa Maa Assinanni? yitanno viidiyonna, Yihowa Fajjo yitanno biroshere roso 5 nna 7 tennera kaaˈlitannoˈne

• Mitore assitine kaaˈlesi. Hasatto noosi manchi gambooshshe haˈrate kiˈne kaaˈlo hasiissannosiho? Lawishshaho, gara ikkitino uddano uddiˈranno gede kulle kaaˈla dandiinanni. Gambooshshu yannara ledosi ofolle; hattono borro fantine leellishshesi. Roduuwu ledo egennamanno gede asse.