SOQQANSHOTE DANDOOKKI WOYYEESSIˈRI | SOQQANSHOTENNI AFIDHINANNI HAGIIRRI LEXXANNO GEDE ASSIDHE
Ammanate Roduuwiˈne Kaaˈlitannoˈne Gede Maahoyye Yiiyye
Yihowa ninke kaaˈlate, “gobba baalate” noo roduuwa uyinonke. (1Ph 5:9) Insa soqqammeemmo woyite guficho ikkannonkere qeelle saˈneemmo gede kaaˈlitankera dandiitanno. Lawishshaho, soqqamaasincho Phaawuloosi Aqiilanna Phirisqilla, Silaasi, Ximootewoosi, hattono wolootu kaaˈlitinosi.—Soq 18:1-5.
Ateno ammanate roduuwikki soqqanshote kaaˈlitahera dandiitannohu hiittoonniiti? Mannu macciishsha giwanno woyite, galagalte hasaawisatto woyite, manna Qullaawa Maxaafa xiinxallanno gede koyisatto woyite woy xiinxallisatto woyite maa assa dandaattoro dancha amaale amaaltahera dandiitanno. Songoˈne giddo kaaˈlaˈnera dandaannohu ayetiro hedi, hakkiinni kaaˈlo xaˈmiˈri. Tini lamenka kaaˈlitannoˈne hattono lamunku hagiidhitinanni.—Fil 1:25.
MANNA ROSAANO ASSATE LOOSINNI HAGIIDHE—YIHOWA QIXXAAWO HOROONSIDHE—AMMANATE RODUUWANKE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:
-
Niita, Jeedi gambooshshe dagganno gede jawaachishshinohu hiittoonniiti?
-
Qullaawa Maxaafa xiinxallinseemmo woyite wole halashshaano koyisa hasiissannonkehu mayiraati?
-
Mitto mancho Yesuusi rosaancho assitannoti songote
Jeedinna Abigiya lamenti baxannore maa hasaawino?
-
Ammanate roduuwikki soqqanshote hiittoo dandoo heedhannohe gede kaaˈlitahera dandiitanno?
