Looso afiˈra qarra ikkitannonke woyite, Maganu Gashshootenna keeraanchimmasi balaxisiisa gooddo ikkitankera dandiitanno. Yihowara soqqama qarra ikkitannonke gede woy Qullaawu Maxaafiha xintu seera diingeemmo gede assanno looso loosate doogammammora dandiineemmo. Ikkirono Yihowa, “Isira gudisante aamantinore [“woˈmu wodaninsanni iso addaxxitannore,” NW]” jawaachishannota dihuluullammeemmo. (2Du 16:9) Baxillaanchu Anninke ninke kaaˈlannotanna hasiisannonkere aannonketa hoolasira dandaannori mitturino dino. (Ro 8:32) Hakko daafira, looso doodhineemmo woyite, Yihowa addaxxanna isira soqqama illachisha hasiissannonke.—Fa 16:8.

YIHOWA LOOSO WOˈMA LUBBOˈNENNI LOOSSE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Jeeseni gubbo adha giwinohu mayiraati?

• Qolasiyaasi Sokka 3:23 noo hedo harunsa dandiineemmohu hiittoonniiti?

• Jeesenihu danchu lawishshi Toomaasi kaaˈlinohu hiittoonniiti?

• Maatewoosi 6:22 noo hedo harunsa dandiineemmohu hiittoonniiti?