Bocaasu aganira dancha yanna daggannota kulannoha dancha duduwo duduwate baxxino garinni sharrammeemmo. (Fa 37:10, 11; Aj 21:3-5) Konni zamachi yannara woˈmunni woˈma soqqamate pirogiraameˈne biddi assidhe. Konni aganira 30 woy 50 saate soqqamme kaaˈlaano suwisaano ikka dandiineemmo.

Dancha yanna daggannota kulanno qummeeshsha dandaamiˈne deerrinni, lowo mannira kulate qixxaabbe. Qummeeshshuwa doortinanni woyite, qooxeessiˈnera heeˈranno manni roore afa hasiˈrannore hedde. Hasaawissinoonni manchi hasatto noosiha ikkiro, mannaho ellannita Agarooshshu Shae Kir. 2 2021 uyiyyesi. Hakkiinni, hasatto noosita leellishino mancho dandaami deerrinni mulenni galagaltine hasaawissesi; qoleno Hegerera Hagiidhitanni Heeˈra Dandaatto! yitanno biroshere horoonsidhine Qullaawu Maxaafi xiinxallo hanafisiisse. Dancha yanna daggannota kulannoha “dancha duduwo” diinaggaambe duduwa hiitto hagiirsiissanno!—Is 52:7.

HAARO ALAME DAGGANNO YITANNOTA BAXXITINO FAARSO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Qaaqqo albillitte hiittooti hagiirsiissanno yanna daggannota heddanni no?

• Haaro alamera afiˈrate quqquxantinanni coyi giddo mitu maati?

• Hexxonke hiincanke Bocaasu agani zamachira diinaggaambe soqqamate kaaˈlitannonkehu hiittoonniiti?—Lu 6:45