KIRISTAANU HEESHSHO
Yihowa Dadillunni Hiiqqantinore Gatisannonsa
Ninke baalunku dadillineemmo woyiti no. Dadilla ayyaanaamittetenni shoshshogginoonnita leellishshannota diˈˈikkitino. Yihowa umisi dadillino woyiti noota coyiˈrino. (Ka 6:5, 6) Kayi ganyine woy woˈmanka woyite quwa saˈne dadillineemmoha ikkirona?
Yihowa kaaˈlannoˈne gede alba isiwa higge. Yihowa surrenke keeraanchimma daafira lowo geya hedanno; qoleno quwa saˈne dadillinammora dihasiˈranno. Isi dadillineemmo woyiteno ikko hagiidhineemmo woyite laˈˈanno. Isira hagiidhineemmohuno ikko dadillineemmohu mayiraatiro leellannosi. (Fa 7:9a) Baalunkunni roore Yihowa dadillineemmo woyite woy quwa saˈino yaaddo amaddannonke woyite, tenne dandiine saˈneemmo gede kaaˈlannonke hattono towaatannonke.—Fa 34:18.
Surreˈne keeraanchimma seekkitine agadhe. Dadillu hagiirrenke hunannoha calla ikkikkinni Yihowa ledo noonke jaaloomano hunara dandaanno. Konnira wodananke yaano giddiidi ayimmanke agadhate dandiinummore baala assineemmo.—La 4:23.
QUWA SAˈINO YAADDO HEEDHUNSARONO RODUUWINKE KEERINSA BAIKKINNI NOO GARA YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:
-
Niiki quwa saˈino yaaddo dandee saˈˈate kaaˈlannosere maa assitino?
-
Niiki xagisira hasiissannoe yite heddinohu mayiraati?—Mt 9:12
-
Niiki Yihowa kaaˈlannoseta addaxxitinohu hiitte doogganniiti?