Yesuusi heeshshosi guuta ikkinokki mannira kakkalino. (Ro 5:8) Yesuusi ninke daafira heeshshosi sayise oye baxinonkehura annu annu deerrinni naandeemmoti dihuluullissannote. Ikkirono, Kiristoosi rodiinkerano reyinota qaaga hasiissannonke. Ninkente gede guuta ikkitinokki roduuwanke Kiristoosi baxinonsa garinni banxeemmonsata leellisha dandiineemmohu hiittoonniiti? Hanni sase doogga laꞌno. Umihunni, ninkehunni baxxino budi noonsa mannano jaallanke assiꞌne jaaloomanke halashshiꞌra dandiineemmo. (Ro 15:7; 2Qo 6:12, 13) Layinkihunni, woloota koffi assannore coyiꞌneemmokki woy assineemmokki gede qoropha dandiineemmo. (Ro 14:13-15) Sayikkihunni, mannu koffi assinkero ranke gatona yaa dandiineemmo. (Lu 17:3, 4; 23:34) Kuri doogganni Yesuusi lawishsha harunsate sharrammeemmoha ikkiro, Yihowa woꞌmanka woyite songo salaamenna mittimma afidhanno gede asse maassiꞌranno.

ROORE XUꞌMA! YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Umi qara Miike songose daafira mayite heddino?

• Hedose soorrantanno gede assinori maati?

• Yesuusi lawishshi Miike laose biddi assidhanno gede kaaꞌlinosehu hiittoonniiti? (Marq 14:38)

• Lawishsha 19:11 ammanate roduuwinkera gara ikkitino lao heedhannonke gede kaaꞌlitannonkehu hiittoonniiti?