Yihowa baxxannoriwa aana hasiissannonkehu mayiraati? Aanneemmo manni danchare woy bushare assineemmo gede assannonke daafiraati. (La 13:20) Lawishshaho, Moote Iyoaasi, Kakkalaanote Biili Yoodahewa aananni noo yannara Yihowa “baxanno coye assanni heeꞌrino.” (2Du 24:2) Yoodahe reyi gedensaanni kayinni Iyoaasi bushuullunniwa aane, Yihowa baxannore assa agurino.—2Du 24:17-19.

Umi xibbi M.D., soqqamaasinchu Phaawuloosi songo “lowo mini” ledo, songote miilla kayinni ‘uduunnichu’ woy mini uduunnichi ledo heewisiisino. Mininke manna woy songote miila ikkiro nafa, Yihowa baxannokkire assanno manniwa aanneemmokkiha ikkiro “ayirrado hajara hasiꞌnanni uduunnicho” ikkine heeꞌneemmo. (2Xi 2:20, 21) Hakko daafira, Yihowa baxxannorinna isira soqqammeemmo gede jawaachishshannonkeri ledo jaalooꞌmino.

BUSHA JAALLAWIINNI XEERTIDHE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Hendummokkinni bushu manniwa aanneemmo gede assitannonketi mite doogga hiikkuriiti?

• Viidiyote giddo laꞌnummori sasu roduuwi busha aante agurtanno gede kaaꞌlinonsari maati?

• Jaalla hayyotenni doodhitinanni gede kaaꞌlitannoꞌneti Qullaawu Maxaafiti xintu seerubba hiikkuriiti?