Oosoꞌnera aa hasidhinannihu qaru coyi maati? Qaaqquulliꞌnera hasiisannori loworeeti; lawishshaho baxxinansara, dancha gede amaddinansaranna gawajjannonsa coyinni agartinansara hasidhanno. Yihowanna Qaalisi yaano Qullaawu Maxaafi giddo noo halaale affanno gede assa kayinni konni baalunkunni roortanno. (Yohaannisi 17:3) Tini, oosoꞌne anjensanni jammarte Yihowa lubbora baxxanno gedenna woꞌmu wodaninsanni isira soqqantanno gede kaaꞌlitannonsa.—Maatewoosi 21:16.

Batinye annuwanna amuwi shiimmaaddu qaaqquullira haranchore calla rosiisa woyyitannota huwatino. Konni daafira, Qullaawu Maxaafi Daftaraꞌya yinanni borro qixxeessinoommota kulleemmoꞌne wote tashshi yaannonke. Mitto mittonka roso qixxeessinoonnihu, huwatate qarrisannokki garinni rosiisate hendeeti. Misillanna misillate ledo noo borro qixxeessinoonnihu sase diro ikkinonsarenna sasu diri woro noo qaaqquulle baxisanno garinniiti. Qaaqquullu ledo loonsanni rosiishshano qixxeessinoonni. Qullaawu Maxaafi Daftaraꞌya yinanni borro qixxeessinoonnihu qaaqquulle godoshshiishiꞌrate diꞌꞌikkino. Tenne borro qixxeessinoonnihu qaaqquulliꞌne ledo nabbabbinaraati; tini insa ledo hasaawate faro fantannoꞌne.

Tini borro, Qullaawu Maxaafi halaale qaaqquulliꞌnera ‘muꞌruullu heedheenna’ rosiisate lowonta kaaꞌlitannoꞌneta dihuluullammeemmo.—2 Ximootewosi 3:14, 15.

Roduuwiꞌne,

Yihowa Farciꞌraasinehu Aliidi Bisi