Qullaawu Maxaafire Roo’rsite Afate Hasirato?

 Qullaawa Maxaafa Nabbawa Mayiira Hasiissu?

QULLAAWU MAXAAFI wolootu Maxaaffawiinni baxxanohu baxxillaamo maganu biddishsha amadinoha ikkasiniiti. (1 Teselonqe 2:13) Qullaawu Maxaafi roso loosu iima hosiisitoro lowo ho’ro afirato. ‘Duuchante eltonna coiimu atootii baalu’ buichcho ikkiyo maganira noohe baxilli lexxateni aleenni isiwa shiqatto. (Yaqoobi 1:17) Isiwa huucatotenni hiitto shiqatorono afatto. Qarru iillanohe woyiite maganu kaa’lo afirattora dandaatto. Qullaawu Maxaafi giddo noo uurinshshu di’rimi ledo sumuu yite heerito’ro maganu hege’re heeshsho aannohe.—Roome 6:23

Qullaawu Maxaafi halaalanchcho egennote caabichcho amadino. Miloonete kirantano mannooti Qullaawu Maxaafi egenno afiransanni so’ro ikkitino hedonni wolaphphitano. Lawishshaho: Halaale afanke reyiinumo gedensaanni ma-ikineemoro, reyiitinori gawajjo iillishshanonke yine wajjatenninna reyootenni baxxitinonke banxxeemonsa fiixinkena jallanke qarrantanninoo yine waajjatenni wolaphphisanonke. (Hiziqeeli 18:4) Qullaawu Maxaafi reyootenni kao lainohunni aanno rosi baxxanno mannoota reyootenni hogiyorira kajjille aanno. (Yohaannisi 11:25)  Busha sokaasine daafira halaale afanke durriisu loosinni qorophphineemo gedena uullate iima mitiimma maayira batidhinoro huwanteemo gede kaa’lanoke.

Qullaawu Maxaafi giddo anfanni maganittete amanyooti bisinkerano ho’ro afisiisanonke dogoonni millinseemo gede rosiisanonke. Lawishshu gede: Rosinkenni “jilbbunni’re” ikka bisu keeranchimaankera kaa’lo aanno. (1 Ximotiwoosi 3:2) ‘Mannimanna ayyaana batteesanori duuchchunkunni umonke kereensateni’ fayyimanke gawajjitano coyiibanni qorophphineemmo. (2 Qorontosi 7:1) Ledotenino Qullaawu Maxaafi giddo anfanni maganu amaale loosu iima hosiisa adhana adhamanke hagiirruni wo’mitnota ikkitano gedenna uminkera noonke ayirinyi gotti yaanno gede assanno.—1 Qorontoosi 6:18

Maganu qaale loosu iima hosiisattoha ikkiro, hagiiraamo ikkatto. Qullaawu Maxaafi egenno giddoyiidi kerenna ge’ne afi’neemo gede ka’lasinni aleenni hexxonke latisanno. Hattono shaqille, baxxille; hagiirre; keere; danchchimanna ama’no labbanno danchcha akatta lossi’neemo gede kaa’lanonke. (Galaatiya 5:22, 23; Efesooni 4:24, 32) Togoo akatta woyyaanboomo ayiiddaanna, woyi ayiiddaama; anna woyi amanna ooso ikkineemo gede kaa’lanonke.

 Albbillitte daganno yanna marichcho amadde dagganno yite hedde egeenootto? Qullaawu Maxaafi masaalo hittoo yanna giddo hee’noomo gede kultanonke. Kuriuu masaalo alame xaa yannara mayi garinni noo gede xawisa calla ikikkinni maganu Uulla muli yanna giddo gannatete widira soorranno gede xawissanno.—Ajuuja 21:3, 4

Qullaawa Maxaafa Huwatate Dandiisissanno Kaa’lo

Qullaawa Maxaafa nabawate wo’naalootoha ikkirono huwatate kayiinni qarrisinoheha ikkano. Surrekira noohe xa’mora Qullaawu Maxaafi giddonni dawaro afira dandaatota afate qarrisinoheha ikkanno. Hatto ikkiro togoo qarri iillinohu atera calla di’ikkino. Baalankeno ikkinummoro maganu qaale huwatate kaa’lo hasiissanonke. Yihoowu Farcirasine 235 ikkitanno gobbara miloonete kiirranni mannootira woxe batisiisukkinni Qullaawu Maxaafi roso uyiitano. Ateno kaa’late fajjamaasinete.

Umi rosinni ka”ateni duuchcha woyiite Qullaawa Maxaafa dirimu dirimunni xiinxalla woyya ikkitano. (Ibirawuyaani 6:1) Xiinxallokinni lophphitto deerrinni “kaajjado sagale” kunino diimete halaale huwatate dandoo hedhanohe. (Ibirawuyaani 5:14)Umi soreessa assine qummi assinannihu Qullaawa Maxaafati. Maganu Ninkewiinni Hasirannohu Maati? yitano biroshe’re gedee noo borro xalalu Maxaafi iima hanafantino babaxitino hajote birxxe laino qumeeshsha wodanchatto gede kaa’litanohe.

 Lamalate Giddo Qullaawa Maxaafa Huwatattora Yanna Murate Fajjamessaho?

Duuchchawoyite Qullaawa Maxaafa xinxxallate atera injiitanohe yannanna darga qixxaawo assa dandiinanni. Duuchcha manna uminssa mine wolu manni xinxxallisiisanosa. Mitu mitu manni silketenni xinxxallitano. Rosu pirograame lowo rosaano mitteenni kifilete giddo heedhe rossano gede ikkikinni egenno afirate wolqakinna rosikki deerra hedote giddora eesine hojjimate deerrinni qixxeesinaniho. Fonqolu noyiki dafira wajjishanoheha di-ikkino. Qullaawu Maxaafi xa’mokira qolo affiratoha ikkinohunni aleenni maganunniwa hiito shiqattoro rosatto.

Togoo xinxxallora bantanniri dino. (Mattiwoosi 10:8) Ayee ama’no miillarano ikko uminsa ama’no heedhunsakkinni maganu qaalira noonsa egenno lossirate wodanu halchcho noonsarira baato nooyikiha Uuyinanni rosooti.

Konni hasaawira ayi beeqara dandaanno? Maatekki baala beeqitara dandiitano. Koyiisattora hasirato jaallakino heedhuro beeqitara dandiitano. Hasaawa konne callaakkino assa dandaatto.

Lowo mannooti Qullaawa Maxaafa xinxxallate lamalate giddo mitte aate mudhitano. Xinxxallokira lamalate giddo mitte saate aleenni woyi woroonni mudhatoha ikkiro Yihoowu Farciraasine ka’litahera pirograamensa biddi assitano.

 Qullaawa Maxaafa Rosattora Shiqinohe Koyiishsha

Yihoowu Farciraasine ledo xaadatto gede koyiinseemohe. Togo assate dandaatto doogo umiti woroonni noo teessora borreessateniiti. Hakichinino mittu manchchi baato noyikiha Qullaawa Maxaafa xinxxalisiisannohe gede qixxaawo assinanni.

□ Maganu Ninkewiinni Hasirannohu Maati? yinanni birushe’re sokke’e. Hikunni afiinni hasirato’ro qummi assi (Amaaru woyi Ingilizete).

□ Qullaawa Maxaafa rosa hasi’reemo daafira eeggotena hasaawise”e.

Wole xawishsha aa hoongi geeshsha metseetichote iima noo qummeeshsha ha’noonihu 1954 M.D Amaaru afii tirroonni Qullaawu Maxaafiniiti.